Os veciños de Dorrón avisan de que «non van permitir» a construción doutra EDAR
Publicado por Plataforma Veciñal de Samieira o sábado, outubro 25, 2014
Juan Rodríguez advirte de que os residentes convocarán «as manifestacións que fagan falta»
Redacción La Voz de Galicia | Pontevedra, 25.10.2014
«Dorrón non ten ningunha necesidade dunha nova depuradora e non o vai a permitir». O presidente da asociación de veciños da parroquia sanxenxina que linda con Poio, Juan Rodríguez, non quixo deixar onte a mínima físgoa de dúbida. Os habitantes da zona non queren unha terceira estación depuradora de augas residuais (EDAR) no municipio.
«En primeiro lugar, a parroquia de Dorrón xa está servida e todas as súas vivendas están perfectamente conectadas á depuradora», asegurou Rodríguez. «Na Granxa quedan unhas 40 casas que aínda non están atendidas, así que aproveito agora para pedirlle ao Concello de Sanxenxo que as conecte, e así poderemos eliminar definitivamente este problema», engadiu.
O rexurdimento da polémica acerca da localización das instalacións de saneamento por parte do goberno local de Poio colleu completamente por sorpresa aos veciños da parroquia sanxenxina, que hai xa varios anos que crían gañar a guerra. Xa entón manifestaron a súa rotunda oposición a acoller unha construción que consideran que debería erixirse en territorio poiense.
«Poio ten sitios dabondo»
«O primeiro que ten que facer o Concello de Poio é buscar unha solución ao problema do seu municipio, e ten sitios dabondo para facer a depuradora», criticou o representante do colectivo de Dorrón.
«Debería buscar terreos para levantar a EDAR, e non cargarnos a nós os residuos do seu municipio. Sen ir máis lonxe, en Ortigueira (A Coruña) teñen unha no medio das casas. Pero aquí, en Dorrón, non van facela, e construíla en Pampaído -lugar proposto polo Concello veciño- sería xa o colmo», apuntou Juan Rodríguez.
Nunha declaración de intencións cargada de advertencias, o portavoz dos residentes na zona anunciou que farían as manifestacións que fagan falta» para impedir que a depuradora se instale na súa parroquia.
Contan, ademais, co apoio do Concello de Sanxenxo, cuxa alcaldesa, Catalina González Bea, xustificou onte a súa negativa a albergar a EDAR en que o municipio sanxenxino xa ten outras dúas instalacións similares que tamén dan servizo a Poio, mentres que este non acolle aínda ningunha, polo que considera de xustiza repartir, neste caso, as cargas. O debate acerca da súa localización é un dos preitos máis antigos que manteñen vixentes Sanxenxo e Poio.
«O que ten que facer o concello de Poio é buscar unha solución aos seus problemas», Juan Rodríguez.
Fonte: Xornal La Voz de Galicia. Artigo orixinal: Os veciños de Dorrón avisan de que «non van permitir» a construción doutra EDAR
«En primeiro lugar, a parroquia de Dorrón xa está servida e todas as súas vivendas están perfectamente conectadas á depuradora», asegurou Rodríguez. «Na Granxa quedan unhas 40 casas que aínda non están atendidas, así que aproveito agora para pedirlle ao Concello de Sanxenxo que as conecte, e así poderemos eliminar definitivamente este problema», engadiu.
O rexurdimento da polémica acerca da localización das instalacións de saneamento por parte do goberno local de Poio colleu completamente por sorpresa aos veciños da parroquia sanxenxina, que hai xa varios anos que crían gañar a guerra. Xa entón manifestaron a súa rotunda oposición a acoller unha construción que consideran que debería erixirse en territorio poiense.
«Poio ten sitios dabondo»
«O primeiro que ten que facer o Concello de Poio é buscar unha solución ao problema do seu municipio, e ten sitios dabondo para facer a depuradora», criticou o representante do colectivo de Dorrón.
«Debería buscar terreos para levantar a EDAR, e non cargarnos a nós os residuos do seu municipio. Sen ir máis lonxe, en Ortigueira (A Coruña) teñen unha no medio das casas. Pero aquí, en Dorrón, non van facela, e construíla en Pampaído -lugar proposto polo Concello veciño- sería xa o colmo», apuntou Juan Rodríguez.
Nunha declaración de intencións cargada de advertencias, o portavoz dos residentes na zona anunciou que farían as manifestacións que fagan falta» para impedir que a depuradora se instale na súa parroquia.
Contan, ademais, co apoio do Concello de Sanxenxo, cuxa alcaldesa, Catalina González Bea, xustificou onte a súa negativa a albergar a EDAR en que o municipio sanxenxino xa ten outras dúas instalacións similares que tamén dan servizo a Poio, mentres que este non acolle aínda ningunha, polo que considera de xustiza repartir, neste caso, as cargas. O debate acerca da súa localización é un dos preitos máis antigos que manteñen vixentes Sanxenxo e Poio.
«O que ten que facer o concello de Poio é buscar unha solución aos seus problemas», Juan Rodríguez.
Fonte: Xornal La Voz de Galicia. Artigo orixinal: Os veciños de Dorrón avisan de que «non van permitir» a construción doutra EDAR
Categorías: Novas Prensa
