Os tres grupos de Poio únense e vetan a depuradora en Samieira
Apoiarán esta tarde unha moción contra a proposta de Augas de Galicia
Redacción La Voz de Galicia | Alfredo López Penide, Pontevedra 31.07.2012
A decisión de Augas de Galicia de situar unha estación depuradora de augas residuais en Samieira atopouse coa oposición frontal do tres partidos con representación municipal. Ao xa coñecido rexeitamento ao emprazamento mostrado polo PSOE e o BNG sumouse a agrupación local do PP liderada por Angel Moldes. O tres partidos confirmaron que esta tarde, no transcurso do pleno municipal, apoiarán unha moción conxunta na que non só descartan un emprazamento próximo á praia de Laño, senón que, ademais, instan á Administración autonómica a buscar unha localización mellor.
