González rehúsa reunirse co alcalde de Poio sobre a EDAR
Publicado por Plataforma Veciñal de Samieira o xoves, outubro 30, 2014
Ínstalle a resolver o problema porque "non é de recibo" que o solucione Sanxenxo
Redacción Faro de Vigo | Redacción, Sanxenxo 30.10.2014
Non haberá reunión entre os alcaldes de Sanxenxo e Poio para abordar a instalación da EDAR do municipio poiense en Pampaído. A rexedora Catalina González rexeitou onte reunirse co goberno Luciano Sobral para tratar sobre a localización da depuradora que precisa o municipio veciño.
A rexedora local considera que o problema do emprazamento desa infraestrutura correspóndelle asumilo ao seu homólogo poiense "xa que non é de recibo que teñamos que ser os veciños de Sanxenxo os que lles solucionemos os problemas aos de Poio".
Catalina González ofreceu, iso si, a súa total colaboración ao concello limítrofe para calquera cuestión, pero "neste tema xa deixamos claro nos últimos anos cal é o noso parecer, totalmente contrario a que a EDAR que necesita Poio estea situada en Sanxenxo".
Á súa vez, a alcaldesa púxose a disposición dos colectivos implicados na xestión e explotación da ría para explicarlles de primeira man a postura defendida polo goberno que preside e os antecedentes desta situación.
Luciano Sobral veuse reunindo cos veciños de Raxó e Samieira a quen lles confirmou que a mellor localización é Pampaído, en Sanxenxo, e que buscaría unha solución coa súa homóloga, Catalina González.
Fonte: Xornal Faro de Vigo. Artigo orixinal: González rehúsa reunirse co alcalde de Poio sobre a EDAR
A rexedora local considera que o problema do emprazamento desa infraestrutura correspóndelle asumilo ao seu homólogo poiense "xa que non é de recibo que teñamos que ser os veciños de Sanxenxo os que lles solucionemos os problemas aos de Poio".
Catalina González ofreceu, iso si, a súa total colaboración ao concello limítrofe para calquera cuestión, pero "neste tema xa deixamos claro nos últimos anos cal é o noso parecer, totalmente contrario a que a EDAR que necesita Poio estea situada en Sanxenxo".
Á súa vez, a alcaldesa púxose a disposición dos colectivos implicados na xestión e explotación da ría para explicarlles de primeira man a postura defendida polo goberno que preside e os antecedentes desta situación.
Luciano Sobral veuse reunindo cos veciños de Raxó e Samieira a quen lles confirmou que a mellor localización é Pampaído, en Sanxenxo, e que buscaría unha solución coa súa homóloga, Catalina González.
Fonte: Xornal Faro de Vigo. Artigo orixinal: González rehúsa reunirse co alcalde de Poio sobre a EDAR
Categorías: Comunicados Concello de Sanxenxo, Novas Prensa
