O Concello aposta por Pampaído como a mellor alternativa para instalar a depuradora

Sobral coincide cos afectados en que Samieira "non é unha localización acertada" - Os veciños entregaron 2.349 firmas contra o proxecto, preocupados polo silencio da Xunta

Redacción Faro de Vigo | Carlos García, Pontevedra 21.11.2012

As 2.349 sinaturas recollidas polos veciños de Samieira mostrando o seu rexeitamento á posible localización dunha estación depuradora de augas residuais entre as praias do Caeiro e O Laño están xa en poder do Concello de Poio e a Xunta de Galicia, despois de que fosen entregadas onte polos afectados nos rexistros da administración autonómica e do concello.

Ler máis

Samieira lembra con 2.349 sinaturas o seu ´non á depuradora´

Os veciños presentan hoxe as rubricas no Concello e a Xunta e esixen máis información sobre as localizacións alternativas

Redacción Faro de Vigo | Marcos Quintas, Pontevedra 20.11.2012

Os veciños de Samieira reafirman hoxe a súa negativa á construción da depuradora para lembrar ás administracións implicadas no proxecto tanto a súa rotunda oposición como a promesa de desterrar a idea e buscar localizacións alternativas. Para iso presentan un total de 2.349 firmas de apoio no rexistro municipal e tamén na sede da Xunta en Pontevedra. Ademais, confían en obter novas informacións sobre esa procura de novo emprazamento.

Ler máis

Os ecoloxistas apoian a mobilización da plataforma antidepuradora de Samieira

Nunha reunión explicaron á Asociación pola Defensa da Ría o problema que están a sufrir

Redacción Faro de Vigo | María Argibay, Pontevedra 09.08.2012

A Plataforma Non! á Depuradora en Samieira continúa buscando os apoios necesarios para tentar que a administración de marcha atrás e evitar así que se constrúa a Estación Depuradora de Augas Residuais (EDAR) entre as praias de Laño e O Caeiro. O martes mantiveron unha reunión coa Asociación Pola Defensa da Ría (APDR) na que lles explicaron todos os pormenores que até o momento coñecen da posible instalación da depuradora na parroquia de Samieira. Tras coñecer os detalles, desde a APDR mostráronlles todo o seu apoio e comprometéronse a ofrecerlles a súa experiencia para axudarlles en todo o posible.

Ler máis