Redacción
Faro de Vigo | María Argibay, Pontevedra 27.08.2012
Veciños, turistas, familiares, amigos... todos se reuniron onte na praza de Alfredo Romay de Samieira para mostrar o rexeitamento á localización da depuradora na parroquia, concretamente, entre as praias de Laño e O Caeiro. Convocados pola Plataforma Non! á Depuradora en Samieira, máis de 200 persoas concentráronse durante unha media hora e escoitaron o manifesto que uno dos portavoces leu a todos os presentes. Nel destacaron que "sabemos que estas instalacións contaminan. Contaminan o aire e a auga e son prexudiciais para a saúde das persoas. Hai sentenzas xudiciais que así o manifestan. Establecen un perímetro de seguridade de 2.000 metros de distancia das vivendas", explicaron a todos os asistentes. Por outra banda, indicaron que "a superficie total que necesita esta infraestrutura supón a ocupación e destrución de todo unha contorna sensible desde o punto de vista ambiental e social. Vannos a privar a todos da satisfacción de gozar dun lugar que, en teoría, terían que protexer e potenciar".
