As confrarías esixen aínda o saneamento final da ría
Publicado por Plataforma Veciñal de Samieira o martes, setembro 03, 2013 con 0 comentarios
Estiman que, tras sete anos de promesas, xa debería completarse
Redacción La Voz de Galicia | Marcos Gago, Pontevedra 03.09.2013
Sete anos de promesas, a piques de ser oito, son un tempo que as confrarías estiman máis que suficiente para rematar o saneamento definitivo da ría, o que permitiría traballar en todos os bancos marisqueiros con normalidade.
O pósito máis afectado, Lourizán, non pode dispor da metade do seu banco máis produtivo -Os Praceres- en condicións normais pola súa declaración como zona C, unha clasificación que impide a comercialización dos seus produtos. Para facelo, os pósitos e a Xunta promoveron a batea de reinstalación de Aldán. Os mariscadores collen ameixa da zona C e envíana a Aldán, onde nunha batea nunha das augas máis limpas de Galicia os moluscos depuran de forma natural. Unha vez que as análises demostran o estado dos bivalvos, procédese á súa poxa.
O sistema da batea de reinstalación, que nunca conseguiu para os seus produtos o mesmo prezo en lonxa que os moluscos do resto do banco, ten un problema que o fai case inviable. Trátase da marea vermella, un proceso natural do fitoplancto e que impediu a poxa de marisco reinstalado en Aldán desde abril.
As confrarías tiveron que depender desde entón do produto que extraen do resto dos seus bancos. Coa perspectiva que dan dous anos de experiencia, a batea de Aldán «deunos a vantaxe de ter xente nova [25 carnés por pósito hai un ano] e nada máis, nunca foi algo que nos ilusionase porque o resultado económico non foi o esperado», precisa a patroa maior de Lourizán, María del Carmen Vázquez. Ela cre que xa é hora de que a Xunta proceda ao saneamento definitivo da ría. Na contorna das Malvinas, xunto ao nó de ligazón á AP-9 en Ence, séguense detectando verquidos cada certo tempo. Os pósitos cúlpanos de ser os responsables de que as analíticas non permitan levantar unha zona C que se lles está facendo eterna.
Fonte: Xornal La Voz de Galicia. Artigo orixinal: As confrarías esixen aínda o saneamento final da ría
O pósito máis afectado, Lourizán, non pode dispor da metade do seu banco máis produtivo -Os Praceres- en condicións normais pola súa declaración como zona C, unha clasificación que impide a comercialización dos seus produtos. Para facelo, os pósitos e a Xunta promoveron a batea de reinstalación de Aldán. Os mariscadores collen ameixa da zona C e envíana a Aldán, onde nunha batea nunha das augas máis limpas de Galicia os moluscos depuran de forma natural. Unha vez que as análises demostran o estado dos bivalvos, procédese á súa poxa.
O sistema da batea de reinstalación, que nunca conseguiu para os seus produtos o mesmo prezo en lonxa que os moluscos do resto do banco, ten un problema que o fai case inviable. Trátase da marea vermella, un proceso natural do fitoplancto e que impediu a poxa de marisco reinstalado en Aldán desde abril.
As confrarías tiveron que depender desde entón do produto que extraen do resto dos seus bancos. Coa perspectiva que dan dous anos de experiencia, a batea de Aldán «deunos a vantaxe de ter xente nova [25 carnés por pósito hai un ano] e nada máis, nunca foi algo que nos ilusionase porque o resultado económico non foi o esperado», precisa a patroa maior de Lourizán, María del Carmen Vázquez. Ela cre que xa é hora de que a Xunta proceda ao saneamento definitivo da ría. Na contorna das Malvinas, xunto ao nó de ligazón á AP-9 en Ence, séguense detectando verquidos cada certo tempo. Os pósitos cúlpanos de ser os responsables de que as analíticas non permitan levantar unha zona C que se lles está facendo eterna.
Fonte: Xornal La Voz de Galicia. Artigo orixinal: As confrarías esixen aínda o saneamento final da ría
0 comentarios:
Publicar un comentario